Text copied!
CopyCompare
God Ile Riong Kinnga Ponganga nge Mangsengre Okei - Pakeke - Pakeke 2

Pakeke 2:14-29

Help us?
Click on verse(s) to share them!
14Pita i mit tomo nge ithanga or mule pa omole pothoi omole. Na i pres na i ritet nge toko na sengre ve, 鈥淭homu Judare na thomu toko elonga ako o voth a Jerusalem, o ta telngomu e lek riong mo lomumu mire nge ur aken.
15Thomu o ri ve va toko areke o thin thei engenga, aveto avele. Nang meta rongan i el inga limpenel rulpo.
16Aveto God ile riong elnga nomenganga ina Joel i ritet nomenga nge ur ake i velpol ma i ri ve,
17鈥溾楪od i ri vene: Toth nge nang patopalalnga aro tho paru Onik Riringa a toko na sengre nge. Mo aro tutumuere o ripot lek riong. Na lomu kulpopoere aro o thopol pathengaling rel relnga. Na lomu toloklokere aro o thopol oni theongre.
18Naro tho paru Onik Riringa a lek toko na seng omaingare nge, mo aro o ripot lek riong nge nang areken.
19Aro tho oma pakukukaling pelie a sepsa na pathepolong a ulue na mla na won sesenga na won klunga aolonga aro o velpol.
20Nang theki aro i eksingu mo ia mideng naro ngov i eksingu mo i selele ranga ve ini mla. Panen aro Toko Pomnga ile nang i velpol. Na ile nang aken i aolonga rintet na ini nang ako ini pakukukonga.
21Naro toko na seng areko o avav a Toko Pomnga iion, aro God i pamimi or.鈥 鈥淣a i velpol ranga ve ako God ile riong elnga nomenganga a Joel, i ritet nge.
22Jisas ako ini Nasareta ini toko ako God i patheng i a thomu nge, ma i papomnga i nge ako i oma paatealing na pathepolong na pakukukaling nge imeni ako ru a thomu nge, ako ranga ve lomumu mire nge lale.
23Na God i panes vengveng ilemi ako nomenga i ri nge lale ve aro i sungu i a menumu na thomu o oma i ranga ve ako ilemi mire nge ako aro thomu o oma i a i nge, ako thomu o sungu i a toko le vothung kerengare omeni mo o pamona i a won ngoronga nge mo o pun rin i.
24Aveto God i pamimi werera i ma i eltetpot rinong a sisisong a i nge. Eneke rinong i pavurvur aro ile mong i avele.
25Na Devit kene i ri vene nge i, 鈥溾楴a tho thopol Toko Pomnga ako i voth tomo nge tho evelelnga. I voth tomo nge tho ma i paengeng tho taro ake o pakerenga tho avele.
26Maken lemik sivenga nge ur ake ma tho ri nge lek lemi sivengaing. Na tho men tetal ol nge ile opoesaling e tho.
27Eneke aro wong mothong lel onik a rinrinongare ole pen avele. Na wong mothong tova punapoaltun lom toko riringa mo ini peti i plot.
28Wong pathengal tho nge mimiong a so lale. Naro wong voth tomo nge tho, naro nge aken, lek lemi sivengaing aro i aolonga.鈥
29鈥淭iteikre tho ritet vengveng a thomu nge, nge titevir a Devit ako ini nepes. Ako i rin lale ma o tetun i, na ia vuvepun i voth tomo nge it nomenga ma me i pavurvur ponange.

Read Pakeke 2Pakeke 2
Compare Pakeke 2:14-29Pakeke 2:14-29