Paisowa 15:24-31

²⁴ꞌE atahiyen mate ganahewamiu yai dodoga haisa sa laowa, sa anꞌeli dogodogoꞌemiu, be nuwamiu sa famodedi. In moho, ai hige ai eheꞌedi.

²⁵Mahudoꞌimai nuwamai esega, be dodoga haisa ꞌe fasinabodi. Afa haidamai loholohodi, Banabasi yo Paulo, maꞌedi ꞌe fatamalidi sa laowa lebemiu.

²⁶Guyau Yesu Keliso debana yai, sa nuwa afuledi, heyaheyaya yai.

²⁷Logena, somo ꞌe uliꞌuliꞌi te, Diudasi yo Sailasi, moꞌadi yai haba sa fawananaha ai lisimiu.

²⁸Yaluwa Tabuna lisina yai ꞌe nuwatuhu fadosi mate ya loholoho, yo ai hinaga, tabu bena laugagayo haisa ti famwahumiu. Ginaulidi moho te, ibodi, au lau watanidi:

²⁹Somo, oitau lebedi yai sa antalasamedi, tabu au anidi; Tabu ꞌwasiꞌwasina au anidi yo suisui gadodi filifilisidi, hinaga tabu au anidi. Yo luma gwaꞌu hudohudoꞌi hige Yaubada ena laugagayo yai, tabu au ginauli. Yena ami lau watanidi, ibege heyaya au fahoina. Aiyon.

³⁰Wasa tau lawenina sa duidi be sa lidi Antiyoka. Amainiya tau kawawananaha boludi sa faꞌoigogodi, be uliꞌuli wa sa feledi.

³¹Fuyanna edi liba faꞌadidili, wasana sa fatili, nuwadi sa amna!