Paisowa 15:14-27

¹⁴Sidohana, Yaubada taꞌowawa ya modeꞌedi, be haisa ya abidi, enehena mate, Saimon haꞌa ya falibada,

¹⁵Peloweta edi liba ya fawananaha, doha Buka Tabuna yai sa uli, tiyen,

¹⁶“Ite ai mulina haba E fuyoma, be Deiwidi ena Palai Tabuna E faꞌobiyo fuyoi. Ena heyaheyaya haba E fadudulaidi, na haba E faꞌadidili fuyoi.

¹⁷Be haba dodoga haisa, Guyau sa yoꞌoi, Logedidi, taꞌowawa, safalumadi E yogaidi be iti, enehegu,

¹⁸Doha haꞌa beyabeyana, Guyau ya libaen.”

¹⁹Diyemsi hinaga iyen, Logena, nuwagu yai E fadosi mate, taꞌowawa salumadi sa nuwabui, tabu ta famwahudi.

²⁰In moho, bena te uliꞌuli lau lebedi, be te falibadi mate, somo oitau lebedi yai sa antalasamedi, tabu ti anidi. Tabu ꞌwasiꞌwasina ti anidi, yo suisui gadodi filifilisidi hinaga tabu ti anidi. Yo luma gwaꞌu hudoꞌi - hudoꞌi hige Yaubada ena laugagayo yai, tabu ti ginaulidi.

²¹Paꞌana, beyabeyana ya laoma ee–, aho ite, mate Mose ena laugagayo sa fatifatili Sabati ouꞌouli aba oiꞌoigogo lumadi yai yo taon hesa - hesa yai sa laulauguguyaꞌen.

²²Habahim tau faꞌona wasawasa yo babada, maꞌedi tau kawawananaha mahudoꞌidi, sa lau fadosi be dodoga ganahewadi yai sa fasinabodi, na sa fatamalidi sa lau Antiyoka maꞌedi Paulo yo Banabasi. Yo fede, babada luwaga, Diudasi (hesana hesa mate Basaba) yo Sailasi sa faꞌobiyodi, babada,

²³be lisidi yai uliꞌuli sa fatamali: Ai afa haidamiu, Tau faꞌona wasawasa yo babada, ema lautoꞌi ꞌe fatamaliyawa, umi taꞌowawa lisimiu yai, salumadi Antiyoka, Siliya Nuꞌuna yai yo Silisiya yai tau miya.

²⁴ꞌE atahiyen mate ganahewamiu yai dodoga haisa sa laowa, sa anꞌeli dogodogoꞌemiu, be nuwamiu sa famodedi. In moho, ai hige ai eheꞌedi.

²⁵Mahudoꞌimai nuwamai esega, be dodoga haisa ꞌe fasinabodi. Afa haidamai loholohodi, Banabasi yo Paulo, maꞌedi ꞌe fatamalidi sa laowa lebemiu.

²⁶Guyau Yesu Keliso debana yai, sa nuwa afuledi, heyaheyaya yai.

²⁷Logena, somo ꞌe uliꞌuliꞌi te, Diudasi yo Sailasi, moꞌadi yai haba sa fawananaha ai lisimiu.