Paisowa 15:12-18

¹²Mahudoꞌidi sa famakano, be sa ataꞌatahi. Na Banabasi yo Paulo sidohana Yaubada ya fapaisowadi, be fafaꞌilala yo noꞌo sa lau ginauli taꞌowawa lisidi yai, wasana edi sa liba.

¹³Sa libaliba ofi mulina yai, Diyemsi iyen, Haidagu, au ataꞌatahima!

¹⁴Sidohana, Yaubada taꞌowawa ya modeꞌedi, be haisa ya abidi, enehena mate, Saimon haꞌa ya falibada,

¹⁵Peloweta edi liba ya fawananaha, doha Buka Tabuna yai sa uli, tiyen,

¹⁶“Ite ai mulina haba E fuyoma, be Deiwidi ena Palai Tabuna E faꞌobiyo fuyoi. Ena heyaheyaya haba E fadudulaidi, na haba E faꞌadidili fuyoi.

¹⁷Be haba dodoga haisa, Guyau sa yoꞌoi, Logedidi, taꞌowawa, safalumadi E yogaidi be iti, enehegu,

¹⁸Doha haꞌa beyabeyana, Guyau ya libaen.”