Paisowa 12:15-22

¹⁵Tiyen, Bena u kabakabaleya! In moho ya duduwen iye, Wananaha! Hige ya bwala. Na alinana sa bui, tiyen, Mate, ena anelu.

¹⁶In moho Pita hola edaꞌeda yai ma oiꞌoina. Fuyanna edaꞌeda sa soꞌe be sa ita mate sa tauhiti.

¹⁷Pita nimana yai fafaꞌilala ya ginauli be gagali sa fatautau. Habahim sidohana deli yai Guyau ya foyafahi enehedi ya dede iyen, Diyemsi ma afa haidana edi au liba. Habahim ya lau afuledi na ya lau nuꞌu hesa.

¹⁸Hwalahwalalana tau hiyala sa nuwa ponopono na tiyen, Pita sidohana ena laulau?

¹⁹Heloda ya falibadi be sa yoꞌoi. In moho hige gonowadi ti lobahi. Habahim gati ya fatiꞌo fifisidi be ya liba bena sa wunuidi. Mulina yai Heloda Diudeya Nuꞌuna ya lau afulen na ya lau Sesaliya yai ya miya begana.

²⁰Heloda mate Taya yo Sidon dodogadi ya manabalaꞌedi. Yo fede sa faꞌoi esegahidi na sa lau be sa ita. Bwaꞌibwaꞌina mate Kin ena luma tau ita watanina hesana Belasetu sa nuwa oiꞌi be haba ya saguhidi, paꞌana adi kalahe mate Kin ena nuꞌu yai ya laolaoma. Logena sa lau Heloda lisina be nuwa esega sa anꞌetai.

²¹Lahaina sa golu Kin Heloda ena leli ya liꞌodi. Habahim ena aba taꞌai loholohona yai ya taꞌai na ya libaliba.

²²Na dodoga sa yogayoga tiyen, Hige doga i libaliba. Itete yaubada hesa!