Text copied!
CopyCompare
Dónbeenì páaníi fĩnle vũahṹ - Oroomusa - Oroomusa 3

Oroomusa 3:5-14

Help us?
Click on verse(s) to share them!
5Ká bìo warɛ́n wee wé à mu yí térénna lé bṹn wó á le Dónbeenì térénló bìo wíokaa zũnanáa, se ĩ wã́a dà à bío bìo kà á à héha lè ɓa nùpua leékaró: Hen ká le Dónbeenì wee beé wa lò bìo ɓúi dã́ní yi, bṹn so wee zéení le le yí térénna le?
6Ɓùeé dɛ́! Bṹn lé ɓa nùpua leékaró. Lé bìo ká le Dónbeenì yí térénna, á le è cítí ho dĩ́míɲá nùpua kaka?
7Ká ĩnɛ́n lá fã̀ le sabéré á le Dónbeenì tũ̀iá poni bìo wíokaa zũna á dóráa ho cùkú le yi, á lé mu yɛ́n ɓɛ̀n wã́a nɔn á ĩ ɲúhṹ á à síráa le ĩ lé o bè-kora wéro?
8Ɓa ɓúi na wee là wɛn á yàá wee bío le wa wee bío bìo kà: Mi wé wa wé mu bè-kora à mu bè-tentewà lé yi. Bán nùpua so ɲúná á à sí.
9Àwa, á warɛ́n *zúifùwa màhã́ ɓɛ̀n wee leéka le wa bìo ɲúhṹ so wi po bìa ká lée? Ɓùeé dɛ́! Ĩ zéenía mu le ɓa *zúifùwa làa bìa yínɔń ɓa *zúifùwa ɓúenɓúen á mu bè-kohó pànká wi wán,
10làa bìo mu túararáa le Dónbeenì bíonì vũahṹ yi: «Ɓa nùpua ɓúenɓúen yi á nì-kéní kà yí térénna,
11hácírí ɓànso nì-kéní kà á mía, hàrí nì-kéní kà yí máa cà le Dónbeenì.
12Ɓa ɓúenɓúen día ho wã-tente, ɓa páanía wó ɓa nùpua na bìo ɲúhṹ mía. Bè-tente wéro nì-kéní kà á mía ɓa tĩ́ahṹ.
13Ɓa ɲiní ka lòn búráa na hɛ́nkaa. Ɓa wee khà ɓa nùpua. Ɓa bíoní ka lòn díhioni súró.
14Ɓa wee dánkání ɓa nùpua làa sòobɛ́ɛ, ɓa wee bío hã bín-kora.

Read Oroomusa 3Oroomusa 3
Compare Oroomusa 3:5-14Oroomusa 3:5-14