Olcueih 7:8-22

⁸Huta imdak kah bangkil te a paan tih huta im kah longpuei la luei.

⁹Hlaemhmah ah, khothun kholaeh ah, khoyin yinthuem neh khohmuep ah khaw, cet.

¹⁰Anih aka doe ham huta ngawn tah pumyoi hnisui neh a lungbuei a uep coeng ke.

¹¹Tekah huta tah hue a sak tih a im ah khaw a thinthah. A khopha khaw duem pawh.

¹²Tahae nawn ah imkawt ah, tahae ah toltung neh bangkil takuem ah rhongngol coeng.

¹³Tekah cadong te a sol tih a mok, a maelhmai khaw a cadong ham a tanglue pah tih cadong te,

¹⁴Kamah taengkah rhoepnah hmueih neh tihnin ah tah ka olcaeng te ka thuung coeng.

¹⁵Te dongah nang doe ham neh na mikhmuh ah toem hamla ka mop tih nang kam hmuh tangloeng.

¹⁶Ka soengca te Egypt hnitang, cenlang, hniphaih neh ka phaih coeng.

¹⁷Ka thingkong dongah murrah, thingul, thingsa ka khueh thil coeng.

¹⁸Halo lah a hlo neh mincang duela hmilhmal sih lamtah, pumnai neh yoka sih.

¹⁹tongpa loh a im ah om pawt tih khohla ah yiin la cet coeng.

²⁰A kut dongah tangka cun a khuen tih hlalum hnin ah ni a im la ha pawk eh,” a ti.

²¹Anih te a rhingtuknah cungkuem neh a yoek tih a hmuilai kah hamsum neh a heh.

²²Te dongah huta hnukah maeh la aka poeh vaito bangla, aka ang thuituennah dongkah khocin rhui bangla cet.