Olcueih 6:20-32

²⁰Ka ca, na pa kah olpaek te kueinah lamtah na nu kah olkhueng phap sut boeh.

²¹Na lungbuei ah rhawp hlaengtang lamtah na rhawn ah rhawp laikoeinah lah.

²²Na caeh vaengah nang m'mawt vetih na yalh vaengah nang te n'tawt ni, na haenghang vaengah nang n'lolmang puei ni.

²³Olpaek tah hmaithoi ni, olkhueng khaw vangnah ni, thuituennah dongkah toelthamnah khaw hingnah longpuei ni.

²⁴Huta thae taeng lamkah neh kholong nu ol hnal lamloh nang aka ngaithuen ham ni.

²⁵A sakthen te na thinko nen khaw nai boeh, a mikkhu nen nang te n'hloih boel saeh.

²⁶Pumyoi nu tah buh hluem ham ni, tedae hlang yuu long hinglu phutlo khaw a hoem.

²⁷Hlang a rhang dongah hmai a poep lalah a himbai te hoeh mahpawt a?

²⁸Hlang pakhat te hmai-alh dongah a caeh lalah a kho te duih mahpawt a?

²⁹A hui kah yuu te aka kun thil tih aka ben tah pakhat khaw hmil tangloeng mahpawh.

³⁰A hinglu kah a lamlum dip sak hamla a huen atah hlanghuen te hlang loh hnoelrhoeng mahpawt a?

³¹A hmuh uh atah tah a pueh parhih la sah saeh lamtah a im kah a boei a rhaeng te boeih a phai saeh.

³²Lungbuei aka talh huta tah samphaih, a hinglu aka phae long ni te te a saii.