Olcueih 23:2-18

²Hinglu neh na boei atah na olrhong ni tumca neh na nuen.

³Laithae buh la a om dongah amih kah antui te ngaidam boeh.

⁴Boei ham khaw kohnue boeh, na yakmingnah nen khaw toeng dae.

⁵A taengah na mik na hoih la na hoih nama? Tedae om hae mahpawh. A phae cawn, cawn vetih,atha bangla vaan ah a ding lamni a ding eh.

⁶Moeithae kah buh te caak pah boeh. Anih kah antui te khaw ngaidam rhoela ngaidam boeh.

⁷A hinglu neh aka nainong bangla amah loh nang taengah, “Ca van, o van,” a ti tangloeng. Tedae, a lungbuei tah nang taengah a khueh moenih.

⁸Namah kah kamat ca na caak te na lok hae vetih, na ol ding ni na poeih rhung eh.

⁹Hlang ang hna ah thui pah boeh. Na olthui dongkah lungmingnah te a hnoelrhoeng hae ni.

¹⁰Khosuen kah rhi te rhawt boeh, cadah kah khohmuen te khaw cuk thil boeh.

¹¹Amah, amih aka tlan tah tlungluen tih, amih kah tuituknah te nang taengah ni han suk eh.

¹²Thuituennah he na lungbuei ah, mingnah ol he na hna ah dueh lah.

¹³Thuituennah dongah camoe te hloh boeh. Cungcik neh anih na boh akhaw duek aih mahpawh.

¹⁴Nang loh caitueng neh na taam cakhaw, a hinglu ni saelkhui lamkah na huul pah.

¹⁵Ka ca, na lungbuei ni a cueih atah, kai khaw ka lungbuei a kohoe van ni.

¹⁶Ka kuel pataeng sundaep ngawn ni ta, na hmuilai loh vanat la a thui vaengah te.

¹⁷Hlangtholh rhoek taengah na lungbuei te thatlai boel saeh. Tedae BOEIPA mah hnin takuem ah hinyahnah.

¹⁸Khohmai he a om pueng oeh dongah na ngaiuepnah khaw muei mahpawh.