Olcueih 15:7-30

⁷Hlang cueih rhoek kah hmuilai tah mingnah te a haeh dae, aka ang kah lungbuei tah te tlam moenih.

⁸Halang kah hmueih te BOEIPA kah a tueilaehkoi tih, aka thuem kah thangthuinah te a kolonah la a khueh.

⁹Halang kah longpuei tah BOEIPA kah tueilaehkoi tih, duengnah aka hloem tah a lungnah.

¹⁰Thuituennah caehlong aka hnoo ham tah thae tih, toelthamnah aka hmuhuet tah duek ni.

¹¹Saelkhui neh Abaddon pataeng BOEIPA hmaiah a phoe atah, hlang ca rhoek kah lungbuei aisat te.

¹²Amah a toel ham te hmuiyoi loh a lungnah pawt dongah, aka cueih te khaw paan laklo pawh.

¹³Lungbuei, ko aka hoe tah a maelhmai hlampan tih, lungbuei kah nganboh loh mueihla a rhawp sak.

¹⁴Aka yakming kah lungbuei long tah mingnah khaw mikhmuh khaw a tlap, tedae aka ang a ka loh anglat a luem puei.

¹⁵Mangdaeng rhoek kah a khohnin tah boeih thae, tedae lungbuei aka then tah buhkoknah toei toei om.

¹⁶Thakvoh len tih a khuiah soekloeknah a om lakah BOEIPA hinyahnah dongkah tah a yol khaw then.

¹⁷Buhkak ansam khaw lungnah n'caak atah, hmuhuetnah neh n'caak vaito thapaduek lakah then.

¹⁸Olpungkacan aka huek hlang he sue la om tih, thintoek aka loh ueh tuituknah khaw a duem sak.

¹⁹Kolhnaw kah longpuei tah hling a buk banghui la om tih, aka thuem kah caehlong tah a picai pah.

²⁰Ca aka cueih loh a napa ko a hoe sak tih, tongpa aka ang loh a manu a hnaep.

²¹Lungbuei aka talh ham tah a anglat te a kohoenah tih, hlang lungcuei tah a caeh dueng.

²²Baecenol pawt atah kopoek bing tih, a cungkuem taengah aka uen tah pai.

²³A ka dongkah hlatnah loh hlang ham kohoenah la om tih, olka khaw amah tuetang vaengah tah then tloe pai.

²⁴Hlang aka cangbam ham tah saelkhui laedil lamloh hoeptlang hamla hingnah caehlong om pah hang.

²⁵Thinthah im tah BOEIPA loh a phil pah tih, nuhmai kah rhi te a suem pah.

²⁶Kopoek thae he BOEIPA kah a tueilaehkoi tih, ol then te a omthennah.

²⁷Mueluemnah dongkah aka mueluem loh a imkhui a lawn tih, kutdoe aka thiinah tah hing ni.

²⁸Hlang dueng kah lungbuei loh ol doo ham khaw a thuep tih, halang kah a ka loh boethae a thaa.

²⁹BOEIPA loh halang te a lakhla tak tih, aka dueng kah thangthuinah te a hnatun pah.

³⁰Mik kah vangnah loh lungbuei ko a hoe sak tih, olthang then loh rhuhrhong a cang sak.