Olcueih 11:17-27

¹⁷Sitlohnah aka khueh hlang loh a hinglu khaw a phai dae muenying muenyang loh a pumsa a lawn khoeng.

¹⁸Halang loh a honghi khaw thaphu la a saii tih, duengnah cangti aka tuh longtah oltak kutphu te a doe.

¹⁹Duengnah tah hingnah la pawk tih, boethae aka hloem khaw a dueknah ham ni.

²⁰Lungbuei a voeldak tah BOEIPA kah a tueilaehkoi tih, cuemthuek longpuei tah a kolonah la om.

²¹Kut sokah kut pataeng boethae a hmil moenih, tedae aka dueng kah tiingan tah loeih ni.

²²Sakthen nu khaw omih aka phaelh tah ok hnarhong dongkah sui hnaii banghui ni.

²³Aka dueng rhoek long tah a then ngaiuepnah bueng ni a ngaihlihnah tih halang rhoek long tah thinpom a khueh.

²⁴A khueh duen te a tael tih koep a koei pah, hloh malcal khaw tloelnah la om sumsoek.

²⁵yoethennah hinglu loh a doedan vetih, a tulcah dongah amah te khaw a suep van ni.

²⁶Cangpai aka hloh te namtu loh a tap tih aka hlah te tah a lu ah yoethennah loh a vuei.

²⁷A then aka toem loh kolonah a tlap tih, boethae aka tlap tah amah a thoeng thil.