Ola Saam 88:6-16

⁶Yubin tjakamdan mi langa det dipwan en dakwan greibyad.

⁷Yubin brabli wail langa mi en im jis laik yubin tjakam mi langa solwoda en detlot weib tjakambat mi oloba.

⁸Yubin meigim main frenmob tenawei en bradin brom mi en deibin libum mi miselp. Mi trep na en ai kaan ranawei.

⁹Main ai dubala wikwan brom kraikraibat. YAWEI, ebridei mi jingat langa yu. Wen mi prei langa yu mi oldei lidimap main bingga langa yu.

¹⁰YAWEI, ai jinggabat detlot dedbala pipul. Olabat gin luk ola klebabala ting yu dumbat? Najing. Olabat gin jandap en preisim yu? Najing.

¹¹Olabat gin tok blanga det filing blanga laigim pipul olataim en blanga yu trubalawei? Najing.

¹²Olabat gin luk blanga yu klebabalawei deya langa det dakbala pleis? Najing. Olabat gin sabi blanga yu gudbalawei deya langa det pleis weya yu nomo jinggabat olabat enimo? Najing.

¹³Bat YAWEI, mi jingat langa yu blanga album mi. Ebri moning mi prei langa yu.

¹⁴YAWEI, wotfo yu nokambek mi? Wotfo yu gibit mi bekboun?

¹⁵Brom wen aibin yang aibin ardimbat en aibin gulijap binij. Mi brabli wik na dumaji yubin dum detmatj nogudbala ting langa mi.

¹⁶Dumaji yu barn binji im jis laik fladwoda gaburrumap mi. Yubin gulijap binijimap mi.