Text copied!
CopyCompare
Holi Baibul - Ola Saam - Ola Saam 84

Ola Saam 84:1-5

Help us?
Click on verse(s) to share them!
1YAWEI, Boswan God, ai laigim yu Serramoni Pleis brabliwei.
2Mi wandim jidan langa det Serramoni Pleis blanga YAWEI brabliwei! Garram ol main laif mi sing gudbinjiwei langa det laibalawan God.
3YAWEI, Boswan God, yu na main bos en main God. Ola lilwan bard meigim olabat kemp deya langa yu haus, en olabat growimap olabat beibi gulijap langa ol yu teibul blanga ofring.
4Ol detlot pipul hu jidan langa yu seikridwan haus oldei jidan gudbinjiwei, en singsing en preisimbat yu.
5Ol detlot pipul hu trastimbat yu blanga meigim olabat strongbala oldei jidan gudbinjiwei. Olabat kaan weit blanga go langa Saiyan blanga weship yu.

Read Ola Saam 84Ola Saam 84
Compare Ola Saam 84:1-5Ola Saam 84:1-5