Text copied!
CopyCompare
Holi Baibul - Ola Saam - Ola Saam 80

Ola Saam 80:2-8

Help us?
Click on verse(s) to share them!
2Yu shoum miselp langa detlot klen blanga Ifreiyim, Benjamin, en Manesa. Shoum melabat yu pawa en kaman seibum melabat.
3God, meigim melabat strongbala igin! Yu luk langa melabat garram yu shainiwan feis en seibum melabat.
4YAWEI, Boswan God, haulong yu garra jidan wail en nomo ensim ola preya blanga yu pipul olabat?
5Yubin meigim melabat jidan brabli nogudbinjiwan. En yubin meigim melabat dringgim melabat ronwan tiyas.
6Yubin larram melabat enamimob fait blanga melabat kantri, En dei mokimbat melabat na.
7Brabli Boswan God, meigim melabat strongbala igin! Yu luk langa melabat garram yu shainiwan feis en seibum melabat.
8Yubin bringimat yu pipul olabat jis laiga greiptri brom det kantri Ijip. Yubin andimwei pipul brom najalot kantri en yubin plentim det tri langa olabat kantri.

Read Ola Saam 80Ola Saam 80
Compare Ola Saam 80:2-8Ola Saam 80:2-8