Text copied!
CopyCompare
Holi Baibul - Ola Saam - Ola Saam 71

Ola Saam 71:9-14

Help us?
Click on verse(s) to share them!
9Nomo libum mi dumaji mi olbala. Nomo libum mi na dumaji mi wikwan.
10Main enami olabat wandim kilim mi ded. Olabat tokabat blanga wanim dei garra dum langa mi.
11Olabat tok, “God bin libum im na. Wi garra go en gedim im. Nobodi kaan seibum im.”
12God, nomo jidan longwei. Kaman kwikbala en album mi.
13Yu nomo larram detlot hu kaman blanga fait langa mi win. Yu binijap olabat. Yu meigim detlot hu wandi ardim mi, sheim brabliwei.
14Ai garra oldei trastim langa yu blanga ebrijing. Ai garra kipgon preisimbat yu.

Read Ola Saam 71Ola Saam 71
Compare Ola Saam 71:9-14Ola Saam 71:9-14