Text copied!
CopyCompare
Holi Baibul - Ola Saam - Ola Saam 61

Ola Saam 61:3-7

Help us?
Click on verse(s) to share them!
3dumaji yu na oldei maindimbat mi. Yu na brabli strongbala blanga seibum mi brom main enamimob jis laiga strongwan haus.
4Larram mi jidan langa yu seikridwan haus olagijawan. Larram mi jidan seifwan langa yu bingga wulijim beibiwan jukjuk weya im jidan seifwan andanith langa im mami wing.
5God, yubin irrim main pramis, en yubin gibit mi wanim yubin gibit langa ol detlot pipul hu oldei rispek langa yu.
6Yu larram det king jidan laibala longtaim, en larram im bigininimob jidan king afta langa im.
7God, im garra oldei jidan bos, en yu garra oldei lukaftumbat im garram yu trubalawan filing blanga laigimbat olagijawan.

Read Ola Saam 61Ola Saam 61
Compare Ola Saam 61:3-7Ola Saam 61:3-7