Ola Saam 47:1-5

¹Pipul brom ebriweya, klep yumob bingga gudbinjiwei. Sing ola song brabli adbala blanga preisim YAWEI.

²YAWEI na det brabli haibalawan God en wi garra rispek oni langa im. Im na det brabli nambawan king, en im jidan bos blanga ebrijing langa dijan wel.

³Imbin meigim wi win langa ola pipul. Imbin meigim wi jidan bos blanga ola kantri.

⁴YAWEI laigim wi detmatj. Imbin pikimat blanga wi dijan kantri Isreil weya wi jidan na. Im brabli gudwan kantri.

⁵Wen God im gowap langa im speshalwan tjeya, ola pipul jingat gudbinjiwei, en olabat blowim ola hon adbala.