Text copied!
CopyCompare
Holi Baibul - Ola Saam - Ola Saam 45

Ola Saam 45:4-9

Help us?
Click on verse(s) to share them!
4Yu kipgon garram yu haibala pawa blanga win blanga det trubalawei en blanga jadjim raitwei. Blanga yu strongbala pawa garra meigim yu win olataim.
5Larram ola brabli shapwan erro blanga yu hitim detlot hat blanga yu enamimob, en yu bidim olabat.
6Det kantri God bin gibit yu blanga jidan bos garra jidan olagijawan. Yu jidan bos langa yu pipul olabat en yu gibit olabat feyago.
7Yu laigim ola rait ting en yu nomo laigim ola nogud ting. Blanga tharran na det God blanga yu bin pikimat yu, en imbin meigim yu jidan gudbinjiwei olataim. Imbin gibit yu mowa brom ola najalot king.
8Det gudsmelwan medisin brom mera, elos en kasha jidan langa yu klos, en detlot hu plei myusik, plei blanga yu insaid langa ola bigwan haus weya deibin meigim purdiwan garram boun blanga elafen.
9Ola doda blanga ola king jidan deya garram ola najalot gel, en det gel weya yu garra merrit im jandap langa det raidensaid blanga yu speshalwan tjeya, en im werrimbat olkain ting weya deibin meigimbat garram brabli gudwan gol.

Read Ola Saam 45Ola Saam 45
Compare Ola Saam 45:4-9Ola Saam 45:4-9