Ola Saam 38:16-22

¹⁶Nomo larram ol main enami rabishim mi. Nomo larram olabat tok jigibalawei wen ai stat dumbat nogudbala ting.

¹⁷Im jis laik mi nili buldan en mi ardimbat olataim.

¹⁸Ai dalim yu, “Mi sori blanga ol main nogudbalawei.” Dei meigim mi wori detmatj.

¹⁹Ol main enami garram gudwan bodi en dei jidan strongbala. Sambala pipul nomo laigim mi, en dei nomo garram eni risan.

²⁰Detlot pipul hu peiyimbek mi nogudwei blanga gudbala ting mi dum, olabat main enami.

²¹YAWEI, yu nomo libum mi miselp. Main God, nomo jidan longwei brom mi.

²²Yu na main bos en yu seibum mi. Kaman kwikbala blanga album mi.