Ola Saam 38:12-21

¹²Detlot pipul hu wandim kilim mi ded, olabat pudumbat ola trep blanga mi. En detlot pipul hu wandim kilim mi, olabat toktok blanga meigim ebrijing nogud blanga mi. Olabat kaan stap toktokbat blanga dum nogudbala ting langa mi.

¹³Mi jis laik defwan en kaan irrim enijing, en jis laik ai nomo garram mawus en kaan tok langa enibodi.

¹⁴Mi jis laik detlot hu nomo ensim dumaji dei kaan lisin.

¹⁵Bat mi trastim yu, YAWEI. Yu na main bos en main God, en yu na garra ensim mi.

¹⁶Nomo larram ol main enami rabishim mi. Nomo larram olabat tok jigibalawei wen ai stat dumbat nogudbala ting.

¹⁷Im jis laik mi nili buldan en mi ardimbat olataim.

¹⁸Ai dalim yu, “Mi sori blanga ol main nogudbalawei.” Dei meigim mi wori detmatj.

¹⁹Ol main enami garram gudwan bodi en dei jidan strongbala. Sambala pipul nomo laigim mi, en dei nomo garram eni risan.

²⁰Detlot pipul hu peiyimbek mi nogudwei blanga gudbala ting mi dum, olabat main enami.

²¹YAWEI, yu nomo libum mi miselp. Main God, nomo jidan longwei brom mi.