Ola Saam 29:3-10

³Wen YAWEI tok, yu gin irrim im oloba langa det solwoda. Wen det haibalawan God tok, im jis laik thanda. Oloba langa det solwoda na yu gin irrim im.

⁴Wen YAWEI tok im shoum im pawa. Im shoum im na det brabli haibalawan.

⁵Wen YAWEI tok im breigimap detlot strongwan tri, ol detlot strongwan sidatri na langa Lebanan.

⁶Im meigim detlot bigwan hil langa Lebanan jamparanbat wulijim gabigabi, en im meigim det bigwan hil gulum Heman jamp wulijim yangwan buligi.

⁷Wen YAWEI tok, im meigim laitining kamat.

⁸Wen YAWEI tok, im meigim det draiwan kantri sheiksheikbat nomo lilbit. Im sheikimap det draiwan kantri gulum Keidish.

⁹Wen YAWEI tok, im sheikimap detlot ouktri en im meigim ola lif brom ola tri buldan, en ebribodi langa im Serramoni Pleis jingat adbala, “God im Brabli Haibalawan!”

¹⁰YAWEI na det King en im na det Boswan blanga det bigwan solwoda, en im garra jidanbat Bos blanga ola pipul olagijawan.