5Dei nomo teiknodis wanim YAWEI bin dum. Dei nomo sabi weya imbin meigim ebrijing. Wal YAWEI garra panishim en binijimap olabat olagijawan.
6YAWEI, mi gibit preis langa yu dumaji wen aibin jingat langa yu, yubin duwit langa mi.
7Yu jis laiga det strongwan shild weya oldei stapam enijing weya gin ardim mi. Mi oldei trastim oni langa yu. Oni yu na gin album mi. Yu oldei meigim mi gudbinji. Wal ai garra kipgon preisimbat langa yu. Ai garra kipgon singsing ola song blanga yu.