Ola Saam 23:2-5

²Yu lukaftumbat mi jis laik det stakmen weya im deigim im ship olabat blanga abum spel langa kwaitwan pleis garram bigmob gras en springwoda.

³Ebridei yu meigim mi jidan strongbala. Yu shoum mi det raitwei blanga bulurrum, dumaji ai trastim yu neim blanga dum wanim yubin pramis.

⁴Nomeda if ai go thru langa brabli dakbala pleis weya enijing gin meigim mi dai, bat stil ai kaan bradin dumaji yu iya garram mi olataim. Yu garram yu spiya en yu longwan stik blanga lukaftumbat mi.

⁵Yu meigim det padi redibala blanga mi, weya main enami olabat garra luk yu welkam mi en meigim mi jidan haibala, en yu filimap main kap til im randan.