Ola Saam 16:5-11

⁵YAWEI, oni yu na garra gibit mi ebrijing weya ai garra abum. Oni yu na filimap main laif garram ola gudbala ting, jis laik sambodi filimap main kap raidap. Oni yu na holdim ebrijing weya garra hepin langa mi langa yu bingga.

⁶Yubin opinimap yu bingga en ola brabli gudwan ting bin kamat langa mi.

⁷Ai preisim yu, YAWEI, blanga shoumbat mi det wei. Nomeda weya det naitaim im brabli dakbala, mi oldei jinggabat wanim yu wed tok.

⁸Ai garra oldei luk langa yu weya yu jandap raidensaid langa mi, en maindimbat mi brom enijing weya oldei meigim mi bradin.

⁹Ai garra preisim yu gudbinjiwei garram holbit det filing insaid langa main hat. Ai garra jidan gudwei en weit blanga yu.

¹⁰Yu na bin pikimat mi. Yu kaan libum main bodi insaid langa greibyad. Yu kaan larram mi jidan langa det pleis blanga ola dedbala pipul.

¹¹Yubin shoum mi det wei langa laif, en yu meigim mi gudbinji wen yu jidan gulijap langa mi. Wen mi jidan langa det raidensaid blanga yu, ai garra oldei jidan brabli gudbinjiwei.