Ola Saam 140:7-12

⁷YAWEI, main boswan God, yu na maindim mi, main strongbalawan. Langa eni fait, yu lukaftum mi jis laiga shild.

⁸YAWEI, nomo gibit detlot brabli nogudbala pipul wanim dei wandimbat. Nomo larram olabat plen hepin.

⁹Nomo larram main enami olabat win. Meigim olabat plen blanga mi hepin langa olabat ronselp.

¹⁰Larram brabli hotwan eshis buldan langa olabat. Larram olabat buldan langa faiya langa det dipwan hol, en nomo kamat igin.

¹¹Larram ol detlot pipul hu bleimbat najalot pipul jis fo najing nomo abum enijing gudwan hepin langa olabat. Larram brabli nogudbala ting binijimap ola jigiwan pipul.

¹²YAWEI, ai sabi yu maindimbat ola powan pipul, en yu oldei gibit feyago langa detlot pipul hu nomo garram enijing.