Ola Saam 136:15-21

¹⁵Bat imbin draundim Fero en im solja olabat deya langa det Redsi. Trubala, im laigim wi tudei en olagijawan.

¹⁶Imbin deigim im pipul thru langa det bush kantri. Trubala, im laigim wi tudei en olagijawan.

¹⁷Imbin kilim ded ola strongbala boswan. Trubala, im laigim wi tudei en olagijawan.

¹⁸Imbin kilim ded detlot boswan weya ebribodi sabi. Trubala, im laigim wi tudei en olagijawan.

¹⁹Imbin kilim ded Saihan, det boswan blanga ola Emarait pipul. Trubala, im laigim wi tudei en olagijawan.

²⁰Imbin kilim ded Og, det king blanga ola Beishan pipul. Trubala, im laigim wi tudei en olagijawan.

²¹Imbin pulumat olabat kantri, en imbin gibit langa ola Isreil pipul friwan. Trubala, im laigim wi tudei en olagijawan.