Ola Saam 119:72-75

⁷²Bigmob mani langa dijan wel nomo enijing langa mi. Oni detlot lowa blanga yu na jidan nambawan langa main laif.

⁷³YAWEI, yubin meigim mi en yu oldei kipum mi seifwan. Meigim mi sabi brabliwei wulijim ai garra len detlot lowa blanga yu.

⁷⁴Ol detlot pipul hu rispek yu garra gudbinji wen olabat garra luk langa mi, dumaji mi trastimbat langa yu wed.

⁷⁵Ai sabi ol yu lowa nomo garram enijing rong en im brabli trubalawan, YAWEI. Yubin panishim mi brabliwei dumaji yu brabli trubalawan.