Ol Provep 25:10-13

¹⁰Wala orope go agaa kudiripi lapedepeali rabu go aame agaa pame lapedepe ta teme rabu ne yala mapolalimi. Goa pua ne madaa oro yalo wae kone-su aalimi.

¹¹Go yapare aa medame agaa ora epe-rupa meda lapedepealia raburi go aa nipuna agaare golome warini piksa-rupa madaa goa pua pepenare silpa-na pepena pae nona palia.

¹²Epe kone i aamere nipuna adami aa maredepo yaya. Goa pua mo nipuna adami aame nipuna aa-na agaa epeta kone saliadare nipumi golome warini epe yae meata-rupa la.

¹³Go yapare agaa lama epaliade aame nipuna surube aame tea agaa redepona lama epalia-daare nipumi nimu raaname epe-rupa omena tea. Gore aanumi nimuna maapu-para ipa kogaare nemede-rupa mada mealimi.