Oekyuk 26:8-57

⁸Fwilin tulik natul Pallu pa Eliab,

⁹ac wen natul inge: Nemuel, Dathan, ac Abiram. (Dathan ac Abiram pa tuh solla in mwet kol lun mwet uh. Eltal tuh lainul Moses ac Aaron ke eltal srola wela mwet ke u lal Korah ke pacl se elos tunyuna lain LEUM GOD.

¹⁰Infohk uh mangelik ac okomulosla, ac elos misa welul Korah ac mwet lal ke pacl se e uh onela mwet luofoko lumngaul. Lumah se inge tuh sie mwe akul in sensenkakin mwet Israel nukewa.

¹¹Tusruktu wen natul Korah tiana anwukla.)

¹²Sruf lal Simeon pa inge: sou lulap lal Nemuel, lal Jamin, lal Jachin,

¹³lal Zerah, ac lal Shaul.

¹⁴Pisen mukul ke sou lulap inge kewa oasr ke longoul luo tausin luofoko.

¹⁵Sruf lal Gad pa inge: sou lulap lal Zephon, lal Haggi, lal Shuni,

¹⁶lal Ozni, lal Eri,

¹⁷lal Arod, ac lal Areli.

¹⁸Pisen mukul ke sou lulap inge kewa oasr ke angngaul tausin lumfoko.

¹⁹Sruf lal Judah pa inge: (Wen luo natul Judah pa Er ac Onan, tuh eltal misa na in acn Canaan.)

²⁰Sou lulap lal Shelah, lal Perez, ac lal Zerah.

²¹Fwilin tulik natul Perez pa tulik natul Hezron, ac tulik natul Hamul.

²²Pisen mukul ke sou lulap inge kewa oasr ke itngoul onkosr tausin lumfoko.

²³Sruf lal Issachar pa inge: sou lulap lal Tola, lal Puah,

²⁴lal Jashub, ac lal Shimron.

²⁵Pisen mukul ke sou lulap inge kewa oasr ke onngoul akosr tausin tolfoko.

²⁶Sruf lal Zebulun pa inge: sou lulap lal Sered, lal Elon, ac lal Jahleel.

²⁷Pisen mukul ke sou lulap inge kewa oasr ke onngoul tausin lumfoko.

²⁸Sruf luo lal Joseph, pa Manasseh ac Ephraim, wen luo natul.

²⁹Sruf lal Manasseh pa inge: Machir wen natul Manasseh pa papa tumal Gilead, ac sou lulap takla inge, takme tokol Gilead, su papa matu tumalos:

³⁰sou lulap lal Iezer, lal Helek,

³¹lal Asriel, lal Shechem,

³²lal Shemida, ac lal Hepher.

³³Zelophehad wen natul Hepher, wangin wen natul, a acn mukena — inelos pa Mahlah, Noah, Hoglah, Milcah, ac Tirzah.

³⁴Pisen mukul ke sou lulap inge kewa oasr ke lumngaul luo tausin ac itfoko.

³⁵Sruf lal Ephraim pa inge: sou lulap lal Shuthelah, lal Becher, ac lal Tahan.

³⁶Sou lulap lal Eran mutawauk yorol Shuthelah.

³⁷Pisen mukul ke sou lulap inge kewa oasr ke tolngoul luo tausin ac lumfoko. Sou lulap inge kewa ma tuku kacl Joseph.

³⁸Sruf lal Benjamin pa inge: sou lulap lal Bela, lal Ashbel, lal Ahiram,

³⁹lal Shephupham, ac lal Hupham.

⁴⁰Sou lulap lal Ard ac lal Naaman mutawauk kacl Bela.

⁴¹Pisen mukul ke sou lulap inge kewa oasr ke angngaul limekosr tausin ac onfoko.

⁴²Sruf lal Dan pa inge: sou lulap lal Shuham.

⁴³Pisen mukul ke sou lulap se inge oasr ke onngoul akosr tausin ac angfoko.

⁴⁴Sruf lal Asher pa inge: sou lulap lal Imnah, lal Ishvi, ac lal Beriah.

⁴⁵Sou lulap lal Heber ac lal Malchiel mutawauk kacl Beriah.

⁴⁶Oasr acn se natul Asher, inel pa Serah.

⁴⁷Pisen mukul ke sou lulap inge kewa oasr ke lumngaul tolu tausin ac angfoko.

⁴⁸Sruf lal Naphtali pa inge: sou lulap lal Jahzeel, lal Guni,

⁴⁹lal Jezer, ac lal Shillem.

⁵⁰Pisen mukul ke sou lulap inge kewa oasr ke angngaul limekosr tausin ac angfoko.

⁵¹Pisen mukul Israel nukewa toeni orala tausin onfoko sie ac itfoko tolngoul.

⁵²LEUM GOD El fahk nu sel Moses,

⁵³“Kitalik acn uh nu sin sruf nukewa, fal nu ke pisen mwet ke kais sie sruf.

⁵⁴Nu sin sie sruf lulap kom fah sang sie acn yohk tuh in acn selos, ac nu sin sie sruf srisrik kom fah sang sie acn srisrik tuh in acn selos. Sang nu sin sruf nukewa sie acn fal nu ke pisalos.

⁵⁵Tusruktu acn an ac fah kitakatelik ke fa; fal nu ke inen papa tumun kais sie sruf.

⁵⁶Sruf lulap ac fah usrui acn lulap, ac sruf srisrik ac fah usrui acn srisrik.

⁵⁷Sruf lal Levi pa inge: sou lulap lal Gershon, lal Kohath, ac lal Merari.