Numperis 26:1-18

¹Mürin ewe mätter, ewe Samol mi Lapalap a üreni Moses me Eleasar nöün ewe souasor Aaron we mwän,

²“Oupwe angei iteiten ekewe aramasen Israel meinisin seni ier rüe feitä lon en me an famili, meinisin mi tongeni fiti maun.”

³Iwe, Moses me ewe souasor Eleasar ra kapas ngeni ekewe aramas me lon ewe maasiesin Moap arun ewe chanpupu Jortan sasape ngeni Jeriko o üreniir,

⁴pwe repwe angei iteiten ekewe mwän seni ier rüe feitä, usun ewe Samol mi Lapalap a fen allük ngeni Moses. Ikkei ir ekewe aramasen Israel mi towu seni ewe fanü Isip:

⁵Ekewe mwirimwirin Rupen, nöün Israel we mwänichi lon tettelin ar kewe cho: än Hanok cho, än Palu cho,

⁶än Hesron cho me än Karmi cho.

⁷Iteiter meinisin me lon ewe ainangen Rupen faik me ülüngatngeröü füpükü ilik mwän.

⁸Iwe, nöün Palu mwän: Eliap.

⁹Nge nöün Eliap kewe mwän: Nemuel, Tatan me Apiram. Ätekei Tatan me Apiram ra kefilitä seni ewe mwichen aramas pwe nöür nöüwis. Ra ü ngeni Moses me Aaron o eti än Kora mwich le ü ngeni ewe Samol mi Lapalap.

¹⁰Mürin, ewe pwül a sangfesen o oromirela fiti Kora. Iei usun ekewe aramas ra mäla, nge ekkei a kenala ekewe ruopükü lime mwän. Iwe, a fis pwe ir eu lenien eniweniw.

¹¹Nge nöün Kora kewe mwän resap mäla.

¹²Iwe, ekewe mwirimwirin Simeon lon tettelin ar kewe cho: än Nemuel cho, än Jamin cho, än Jakin cho,

¹³än Sera cho me än Shaul cho.

¹⁴Iteiter meinisin me lon ewe ainangen Simeon rüe me ruungeröü ruopükü mwän.

¹⁵Iwe, ekewe mwirimwirin Kat lon tettelin ar kewe cho: än Sefon cho, än Haki cho, än Shuni cho,

¹⁶än Osni cho, än Eri cho,

¹⁷än Arot cho me än Areli cho.

¹⁸Iteiter meinisin me lon ewe ainangen Kat faik ngeröü limepükü mwän.