Numperis 25:6-17

⁶Nge nengeni, eman me lein ekewe aramasen Israel a feito o emwenato lon imwan eman fin Mitian fän mesen Moses pwal fän mesen ekewe aramasen Israel meinisin, lupwen ra kechü leasamalapen ewe imw mangaku ia aramas ra churi Kot ie.

⁷Iwe, lupwen Pineas nöün Eleasar mwän, nge Eleasar nöün ewe souasor Aaron mwän, a küna ei, a ütä o towu seni ewe mwichen aramas. A angei efoch siles

⁸o tapwelong mürin ewe re Israel me ewe fefin lon ewe rumwen lon o posurifengeniir me ruoman. Iei usun ewe mätter a ükütiu seni ekewe aramasen Israel.

⁹Nge chokewe ra fen mäla ren ewe mätter ükükün rüe me rüanüngeröü.

¹⁰Iwe, ewe Samol mi Lapalap a üreni Moses,

¹¹“Pineas a akulu ai song seni ekewe aramasen Israel. Pokiten i a lukomonguni ai lukomong wor, iei mine üsap chüen arosala ekewe aramasen Israel lon ai lukomong.

¹²Iei mine kopwe üreni Pineas pwe üpwe föri ai pwonen kinamwe ngeni.

¹³Ei pwon epwe fän itan me fän iten mwirimwirin pwe repwe wiseni ewe wisen souasor tori feilfeilachök. Pun a lukomong woi o föri asoren amusamusen tipis fän iten ekewe aramasen Israel.”

¹⁴Iwe, iten ewe re Israel mi ninnilafengen me ewe fin Mitian Simri nöün Salu mwän, i samolun eu famili seni ewe ainangen Simeon.

¹⁵Nge iten ewe fin Mitian mi ninnila Kospi nöün Sur fefin. Iwe, Sur i samolun eu cho lon Mitian.

¹⁶Iwe, ewe Samol mi Lapalap a üreni Moses,

¹⁷“Oupwe afeiengaua ekewe chon Mitian o nirela.