1Nge lupwen ewe kingen Arat ewe re Kanaan mi nonom lon ewe fanü Nekep a rongorong pwe chon Israel ra feito won ewe al ngeni Atarim, a maun ngeni chon Israel o liapeni ekoch leir.
2Mürin, chon Israel ra föri eu pwon ngeni ewe Samol mi Lapalap o üra, “Are kopwe fangelong ekei aramas fän nemenemem, äm aipwe wesewesen aroserela o ataela ar kewe telinimw.”
3Iwe, ewe Samol mi Lapalap a rongorong än chon Israel kapas o atolonga ekewe chon Kanaan fän nemeniir. Iwe, ra wesewesen aroserela o ataela ar kewe telinimw. Iei mine ra aita ngeni ewe leni Horma .
4Iwe, ekewe chon Israel ra feila seni ewe chuk Hor o sai won ewe al mi ale ngeni ewe Setipar, pwe repwe pwelila lükün ewe fanü Etom. Iwe, ekewe aramas resap chüen engila fän weiresin ar sai
5o eäni kapasen ü ngeni Kot me Moses. Ra apasa, “Pwota ka emwenikeemiwu seni Isip pwe aipwe mäla lon ewe fanüapö? Pun esap wor mongö ikei, esap pwal wor koluk, nge äm aia noow ei mongö esap ngünü.”
6Mürin, ewe Samol mi Lapalap a tinato serepenit mi poison lein ekewe aramas. Iwe, ra küw chomong aramasen Israel, pwe ra mäla.
7Iwe, ekewe aramas ra feito ren Moses o üreni, “Äm aia tipis, pun aia eäni kapasen ü ngenikemi me ewe Samol mi Lapalap. Kopwe tüngor ngeni ewe Samol mi Lapalap pwe epwe angei senikem ekewe serepenit.” Iei mine Moses a iotek fän iten ekewe aramas.
8Mürin, ewe Samol mi Lapalap a üreni Moses, “Kopwe föri uluulun eman serepenit seni piras o eitiuätä won efoch mwüüch. Nge lupwen ekewe serepenit ra küw eman, epwe manau are i epwe nenengeni ewe uluulun serepenit.”
Numperis 21
Numperis 21:1-8