Numperis 11:5-14

⁵Sia chechemeni ekewe ik sia mongö lon Isip, nge sisap möni. Sia pwal chechemeni ach ochoch küri me senia, nengi me anion pwal ninnikü.

⁶Nge iei sia chök apwangapwangala. Esap fokun wor och sokun mongö lükün ewe mana sia küna.”

⁷Iwe, ewe mana a usun chök kükün föün irä, nge anüwan a oleolepwech.

⁸Iwe, ekewe aramas ra fetalfeil o ionifengeni ewe mana, ra pwal fööira lon lenien fööir ika wüsi lon lenien wüsüs. Mürin ra kuku lon nape o nokopuni. Iwe, nennan a usun nennen nokop mi firain lon apüra.

⁹Iwe, lupwen amurenipwin a püngütiu lepwin won ewe ia ra nonom ie, ewe mana a pwal püngütiu.

¹⁰Iwe, Moses a rong än ekewe aramas lal lon en me asamalapen imwan imw mangaku lon iteiten en me an famili. Iwe, ewe Samol mi Lapalap a fokun song, nge Moses a weires ren.

¹¹Iwe, Moses a aisini ewe Samol mi Lapalap, “Pwota ka aweiresiei ngang noum chon angang? Pwota kosap ümöümöch ngeniei pwe ka fen uwätä woi weiresin tümwünün ekei aramas meinisin?

¹²Ifa usun, upun woi ir meinisin? Ir nei, pwe kopwe üreniei pwe üpwe pwisiir lepei usun eman chon tümwün a pwisi eman mönükol mi chüen oupw? Ifa usun, üpwe pwisirelong lon ewe fanü ka pwon ngeni ar kewe lewo pwe kopwe ngeniir?

¹³Ia üpwe küt me ie fituk pwe üpwe ngeni ekei aramas meinisin? Pun ra lal ngeniei o üra, ‘Kopwe ngenikem fituk pwe aipwe ochoch.’

¹⁴Ngang üsap tufich le akaleäman ngeni weiresin tümwünün ekei aramas, pun a kon chou ngeniei.