43Ne midhendiyà si Moises wey si Aaron te egkesineruwan duen te Tulda.
44Ne migkaǥi is Nengazen diyà te ki Moises te,
45“Pekeziyù kew keniyan te menge etew su segugunè ku sikandan edèdeeti.” Ne midluhud sikandan is dezuwa.
46Ne migkeǥiyan ni Moises si Aaron te, “Kuwaa nu is teleǥuey nu te veyewà ne teǥui nu te veyewà wey vaǥa he ebpuun diyà te pemuhatà. Ne gaanggaan ka hendiyà te menge etew ne veeli nu is tulumanen su wey zan mevelukasi te menge salè dan, su nepauk en is Nengazen ne ebpuun en is limas.”