NUMERA 26:1-20

¹Gorere vada e doko murinai, Iehova ese Mose bona Eleasara Aaron, hahelaḡa tauna, e hereva henidia, eto,

²Israel oreana taudia ibouboudiai ba duahidia, laḡani ruahui vada e hanai taudia iboudiai. Iduhu ta ta amo ba duahidia, tuari mai dibadia taudia iboudiai Israel ai.

³Bena Mose bona hahelaḡa tauna Eleasara ese taunimanima e hamaorodia, Moab taorana ai, Ioridane sinavaina badibadinai, Ieriko ai, eto,

⁴Laḡani ruahui vada e hanai taudia ba duahidia, Iehova ese Mose e haḡania heḡereḡerena. Israel taudia, Aigupto amo e raka lasi, ladadia bini.

⁵Ruben na Israel natuna roboana. Ia natuna be Hanok, Hanok iduhuna e havaraia tauna; bona Palu, Palu iduhuna e havaraia tauna;

⁶bona Hesron, Hesron iduhuna e havaraia tauna; bona Karami, Karami iduhuna e havaraia tauna.

⁷Ruben ena iduhu idoinai bunai: edia numera be 43,730.

⁸Palu natuna ta be Eliab.

⁹Eliab natuna be Nemuele bona Datan bona Abiram. Hari Datan bona Abiram, be hebou ese e abidia.a hidi, bena idia raruosi bona Kora ese Mose bona Aaron e heai henidia, bona Iehova danu e heai henia,

¹⁰ela bona tano ese e hadonodia, idia bona Kora bona Kora ena orea taudia, bena iboudiai e mase. Una negana ai danu lahi ese taunimanima sinahu-rua imahui e aladia mase, mata-hakani ḡauna ai ela.

¹¹Ḡau tamona, Kora natuna na asie mase.

¹²Simeon natuna mai edia iduhu bini: Nemuele, Nemuele iduhuna e havaraia tauna; bona Iamin, Iamin iduhuna e havaraia tauna; bona Iakin, Iakin iduhuna e havaraia tauna;

¹³bona Sera, Sera iduhuna e havaraia tauna; bona Saul, Saul iduhuna e havaraia tauna.

¹⁴Simeon ena iduhu idoinai bunai: edia numera be 22,200.

¹⁵Gad natuna mai edia iduhu bini: Sefon, Sefon iduhuna e havaraia tauna; bona Hagi, Hagi iduhuna e havaraia tauna; bona Suni, Suni iduhuna e havaraia tauna;

¹⁶bona Osni, Osni iduhuna e havaraia tauna; bona Eri, Eri iduhuna e havaraia tauna;

¹⁷bona Arod, Arod iduhuna e havaraia tauna; bona Areli, Areli iduhuna e havaraia tauna.

¹⁸Gad natuna edia iduhu bunu: edia numera be 40,500.

¹⁹Iuda natuna be Ere bona Onan; a idia na Kanaan tanona ai e mase.

²⁰Iuda natuna mai edia iduhu bini: Sela, Sela iduhuna e havaraia tauna; bona Perese, Perese iduhuna e havaraia tauna; bona Sera, Sera iduhuna e havaraia tauna.