NUMERA 24:10-21

¹⁰Bena Balak ese Balaam e badu henia, imana ruaosi e pata hekapu, e gwau henia, eto, Inaigu iuduguiraidia totona na boirimu, to oi na nega hatoi vada o hanamodia.

¹¹A lou haraḡa, emu gabu baola; lau na dagi namona baina henimu nato, to Iehova ese vada e rumu, baina henimu nato dagina na basio abia.

¹²Bena Balaam ese Balak e haere henia, eto, Emu gwaukau taudia na hamaorodia, ani, nato

¹³“Ena be Balak ese ena ruma, mai ena silver idoinai bona ena gold idoinai ida, bema henigu, to Iehova ena hereva basinama ha-idaua diba; sibogu egu ura ai kara namonata eiava kara dikana ta basinama karaia diba, a Iehova ena hereva mo baina gwauraia”.

¹⁴Benaini, egu gabu taudia baina lou henidia; a guna baina hamaoromu, ina bese taudia ese oiemu bese taudia ede bae karadia toma dina gabedia ai.

¹⁵Bena ma e haroro, eto, Balaam Beoro ena hereva bini; Matana vada e papa tauna ena hereva bini;

¹⁶Dirava ena hereva e kamonaimu tauna, Herea Mikamika ena aonega ai e aonegamu tauna, Siahu-idoinai Diravana hairaina e itaiamu Bena e toma dihomu to matana se hakapumu tauna, Ena hereva bini.

¹⁷Na itaiamu, to dia ina harihari; Na roha heniamu, to dia gabu kahirana ai; Hisiu ta Iakob ena amo baine dae, Dagi auna ta Israel ena amo baine heabi isi; Moab baguna baine huaria, Set garana iboudiai kwaradia baine huaridia,

¹⁸Edom taudia baine luludia lasi, Seiri taudia, ana inai taudia, baine ha-oredia. Israel baine kwalimu,

¹⁹Iakob baine lohia; Hanua taudia na ta basine roho mauri.

²⁰Ia ese Amalek e haḡerea, bena ini e haroro toma: Amalek na herea-dae besena, A dokona ai baine hebua tari.

²¹Bena Kene taudia e haḡeredia, ma e haroro, eto, Emu ruma na auka, Emu kohoro na hagahaga nadina ai,