NUMERA 22:10-29

¹⁰Balaam ese Dirava e haere henia, eto, Balak Siporo, Moab pavapavana, vada e siaidia dekegu ai, eto,

¹¹O itaia, bese ta Aigupto amo vada ema, tano idoinai vada e hahonua davana; mani emu kara, ina bese ba uduguiraia, bena baina tuari henidia bona ina tano amo baina luludia lasi.

¹²Dirava ese Balaam e hamaoroa, eto, Idia ida basiola, bona una bese basio uduguiraia; badina be lau ese vada na hanamodia.

¹³Daba ai Balaam e tore isi, Balak ena lohia taudia e hamaorodia, eto, Emui tano ba lou henia, badina be Iehova ese e rugumu, basina bamomui e tomu.

¹⁴Taunabunai Moab lohiadia e lou ela, Balak dekenai, eto, Balaam na e gwau edeede, se bamomai.

¹⁵Taunabunai, Balak ese lohia haida ma e siaidia; e siaidia guna na dia hoho bona dagi maraḡi taudia, a harihari e siaidia na hoho bona dagi bada taudia.

¹⁶Idia na Balaam dekena ela, eto, Balak Siporo na e tomu, Ḡau ta basine laomu ahu, vada aoma.

¹⁷Lau ese baina matauraimu, bona ede ba hamaorogu toma unu mo baina kara toma. Taunabunai vada aoma, ina bese ba uduguiraia, egu noinoi heḡereḡerena.

¹⁸A Balaam ese Balak ena hesiai taudia e haere henidia, eto, Ena be Balak ese ena ruma, mai ena silver idoinai bona ena gold idoinai ida, bema henigu, to Iehova egu Dirava ena hahedua basinama ha-idaua diba; basinama hamaraḡia, basinamahabadaia danu.

¹⁹Taunabunai, iniseni ai ba mahuta, hari ina hanuaboi, ela.bona lau baina diba Iehova ede baine haduagu toma.

²⁰Bena hanuaboi ai Dirava ese Balaam e hahedinarai henia, eto, Ini taunimanima) ima na oi iboirimu vada ema. Vadaeni, a tore isi, idia ida baola; a lau ese baina hamaoromu heḡereḡerena ai mo ba karaia.

²¹Taunabunai, Balaam na daba ai e tore isi, ena doniki e abia heḡaeḡae, Moab lohiadia idoinai ida ela.

²²A ia na ela dainai, Dirava vada e badu; bena Iehova ena aneru ta dala ai e gini, ia ilao-ahuna. Ia be ena doniki ai e gui, ena hesiai taudia rarua danu ia e bamoa.

²³Hari doniki ese Iehova ena aneru e itaia, dala ai gini, mai ena dare imana ai; bena doniki na dala amo e raka siri, rei lalonai. A Balaam ese doniki e kwadia, baine Iou dala ai eto.

²⁴Bena Iehova ena aneru na gabu hekahina ta ai, dala na vine imeadia padadia amo ela gabuna ai, e gini. Dala kahana kahana ai na nadi maḡudia.

²⁵Doniki ese Iehova ena aneru ma e itaia, bena e raka siri maḡu badibadinai; bena Balaam aena e bero maḡu nadidia ai. Bena ma e kwadia lou.

²⁶Una murinai, Iehova ena aneru ma ela, gabu hekahi-hekahina taai e gini, idiba ai bona lauri ai asi raka siri dalana gabuna ai.

²⁷Doniki ese Iehova ena aneru ma e itaia, bena tano ai e hekure diho Balaam henunai. Bena Balaam e badu dikadika, ena, itotohi amo e dadabaia.

²⁸Bena Iehova ese doniki uduna e hahaḡaia, bena ia ese Balaam e hereva henia, eto, Lau ede na karamu toma dainai nega toi o kwadigu?

²⁹Balaam ese doniki e haere henia, eto, Vada o hakavakavagu dainai; imagu bema mai darena, bama alamu mase.