NUMERA 1:5-50

⁵Idurumui taudia bini. Ruben ena idudu ai: Elisuru Sedeuru.

⁶Simeon ena iduhu ai: Selumiele Surisadai,

⁷Iuda ena iduhu ai: Nason Aminadab.

⁸Isakara ena iduhu ai: Netanele Suara.

⁹Sebulun ena iduhu ai: Eliab Helon.

¹⁰Efraim Iosef ena iduhu ai: Elisama Amihud. Manase Iosef ena iduhu ai: Gamaliel Pedasuru.

¹¹Beniamina ena iduhu ai: Abidan Gideoni.

¹²Dan ena iduhu ai: Ahiesere Amisadai.

¹³Asere ena iduhu ai: Pagiele Okran.

¹⁴Gad ena iduhu ai: Eliasaf Reuele.

¹⁵Napatali ena iduhu ai: Ahira Enan.

¹⁶Tatau bini Israel oreana ai e abidia hidi, edia ruma biagudia bona edia iduhu ikwaradia taudia.

¹⁷Ladadia unu e hatodia toma taudia na Mose bona Aaron ese e abidia.

¹⁸Bena hua iharuana ena dina gini-gunana ai idia ese orea idoinai e haboudia, laḡani ruahui vada e hanai tataudia iboudiai na ladadia e tore, edia iduhu ta ta ai, ta ta tamadia edia ruma ai.

¹⁹Iehova ese Mose e haḡania heḡereḡerena, Mose ese taunimanima unu e duahidia toma, Sinai tano ḡaḡaena ai

²⁰Ruben, Israel natuna roboana, garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,

²¹iboudiai na 46,500. Ruben iduhuna ena numera bunai.

²²Simeon garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,

²³iboudiai na 59,300. Simeon iduhuna ena numera bunai.

²⁴Gad garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,

²⁵iboudiai na 45,650. Gad iduhuna ena numera bunai.

²⁶Iuda garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,

²⁷iboudiai na 74,600. Iuda iduhuna ena numera bunai.

²⁸Isakara garana e duahidia, edia iduhu ai bona tamadia edia ruma ai. Laḡani ruahui vada (Ia e hanai tatudia, tuari baela diba,

²⁹iboudiai na 54,500, Isakara iduhuna ena numera bunai.

³⁰Sebulun garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,

³¹iboudiai na 57,400. Sebulun iduhuna ena numera bunai.

³²Efraim Iosef garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,

³³iboudiai na 40,500. Efraim iduhuna ena numera bunai.

³⁴Manase Iosef garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,

³⁵iboudiai na 32,200. Manase iduhuna ena numera bunai.

³⁶Beniamina garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,

³⁷iboudiai na 35,400. Beniamina iduhuna ena numera bunai.

³⁸Dan garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,

³⁹iboudiai na 62,700. Dan iduhuna ena numera bunai.

⁴⁰Asere garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,

⁴¹iboudiai na 41,500. Asere iduhuna ena numera bunai.

⁴²Napatali garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,

⁴³iboudiai na 53,400. Napatali iduhuna ena numera bunai.

⁴⁴Mose bona Aaron bona Israel iduhudia ikwaradia taudia gwauta-raruosi ese e duahidia taudia bini.

⁴⁵Israel besena e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,

⁴⁶iboudiai na 603,550.

⁴⁷A Levi garana na idia ida asie duahidia hebou.

⁴⁸Badina be Iehova ese Mose e hamaoroa, eto,

⁴⁹Levi iduhuna taudia na Israel taudia ida basio duahidia hebou bona ladadia basio tore hebou.

⁵⁰Levi taudia na ba duanaidia, taravatu mauana dubuna mai kohuna mai ḡauna iboudiai ida bae naridia. Idia ese dubu mai kohuna ida bae huaia lao; bae gimaia bona bae hataruhaia heḡeḡe.