NUMERA 15:16-34

¹⁶Taravatu be tamona bona haheḡani be tamona, umui latamui ai bona bogaragimui ai e noho hedoamu tauna latanai.

¹⁷Iehova ese Mose e hamaoroa, eto,

¹⁸Israel taudia ba hereva henidia, baoto: Baina hakaumui vareai tanona ai ba kau

¹⁹bona una tano anina bavani matama negana ai, emui herahia ḡaudia ba dudui isi Iehova vairanai.

²⁰Emui flaoa matamatana amo ataga ta ba duduia isi, Iehova vairanai, emui uit ikwadina gabuna amo emui herahia ḡauna o duduia isimu heḡereḡerena.

²¹Uru iboudiai Ialodiai, emui flaoa matamatana amo emui herahia ḡaudia ba dudui isi, Iehova vairanai.

²²Boma kerere, ini haheḡani iboudiai, Iehova ese Mose vada e henia ḡaudia, basioma badinadia,

²³Iehova ese Mose uduna amo vada e henimui, e heni matama ema bona uru idoidiai lalodiai ma e heni loulou haheḡanidia,

²⁴ibadinadia ai boma kerere, a hebou taudia asi dibadia: hebou idoinai ese boromakau natuna maruanena ta bae heni, ḡole-oho boubouna ai baehalaoa, bonana namo ḡauna Iehova vairanai. Ena flaoa boubouna bona ena inuinu boubouna danu ia ida bae heni, taravatu heḡereḡerena, bona nani maruanena ta danu bae heni, kara-dika iabi-ohona boubouna.

²⁵Bena hahelaḡa tauna ese Israel oreana taudia iboudiai daidiai herohemaino karana baine karaia, unu amo edia dika bae hegwau tao; badina be vada e kerere; to edia boubou na Iehova vada e henia, ḡole-oho boubouna bona kara-dikaiabi-ohona boubouna, edia kerere dainai.

²⁶Bena hebou idoinai, Israel taudia bona bogaragidiai e noho hedoamu taudia na, edia dika bae hegwau tao, badina be iboudiai na una kara dika ese vada e hakereredia.

²⁷Tau ta baine kara rea, ia ese ena kara-rea iabi-ohona boubouna baineheni, nani hahinena ta, laḡani tamona ḡauna.

²⁸Hahelaḡa tauna ese kerere tauna ena kara rea dainai herohemaino karana baine karaia, Iehova vairanai; unu amo ena dika baine hegwau tao.

²⁹Kara rea taravatuna baine tamona, Israel tauna korikori ena bona noho-hedoa tauna ena.

³⁰A Israel tauna korikori eiava noho-hedoa tauna na hekokoroku dainai baine kerere, ia be Iehova se matauraiamu. Ena bese amo bae negea daure;

³¹badina be ia ese Iehova ena hereva vada e dadaraia bona ena taravatu vada e tataia utu, una dainai ia na bae negea daure. Ena kara dika na basine hegwau tao.

³²Israel taudia na tano ḡaḡaena ai e nohova ai, idia ese tau ta e itaia, dina helaḡa ai au rakuraku e gogodia.

³³Bena au rakuraku igogodia ai e davaria taudia ese e hakaua lao, Mose bona Aaron bona hebou taudia iboudiai vairadiai.

³⁴Bena idia ese e ḡuia, badina be lalodia asie parara ede.bae karaia toma.