NUMERA 13:10-31

¹⁰Sebulun iduhuna amo, Gadiel Sodi;

¹¹Manase Iosef iduhuna amo, Gadi Susi;

¹²Dan iduhuna amo, Amiele Gemali;

¹³Asere iduhuna amo, Seturu Mikael;

¹⁴Napatali iduhuna amo, Nabi Vopsi;

¹⁵Gad iduhuna amo, Gevele Maki.

¹⁶Hasinadoa taudia Mose ese e siaidia, Kanaan baela, ladadia bunu. A Mose ese Hosea Nunu ladana e nemaia Iosua.

¹⁷Taunabinai, Mose ese e siaidia, Kanaan tanona bae ha itaia. E haḡanidia, eto, Diho kahana amo baola ela bona ororo gabudia.

¹⁸Ba itaia, tano be edeheto, bona tano taudia be edeheto, gogoada eiava mamanoka, hutuma eiava gagadoi;

¹⁹ba itaia danu, e noholaiamu tanona edeheto, namo eiava dika, bona edia hanua be edeheto, taruha mo eiava hanua mai maḡudia.

²⁰Ba itaia danu, edia biru gabudia be edeheto, namo eiava dika, bona au be mimia eiava. Ba goada: tano anidia taidia ba loulai. Una negana be vine e huahua matama negana.

²¹Taunabunai idia na ela, e hasinadoa, Sin tano-ḡaḡaena amo ela bona Rehob, Hamat dalana ai.

²²Diho kahana amo ela, Heberon ai e kau; unuseni ai Ahiman bona Sesai bona Talmai, Anak garana, e nohova. Una Heberon e haginia murinai laḡani hitu vada ela bena Soan e haginia Aigupto ai.

²³Bena Eskol kourana ai e kau, unuseni ai vine rigina ta e utua, mai vine huahuana tako ta; tatau rarua ese au ai e huaia. Rimono(, huahuadia haida bona suke huahuadia haida danu e gogo, e hua.

²⁴Una gabu ladana e hatoa Eskol kourana, badina be Israel taudia ese vine takona unuseni ai e utua dainai.

²⁵Dina hari-ahui e ore, bena edia hasinadoa amo e lou ema,

²⁶Mose bona Aaron bona Israel oreana taudia iboudiai dekediai e kau, Kade ai, Paran tano-ḡaḡaena ai. Bena tano sivaraina e hamaorolaidia, bona tanoanidia e haheitalaidia.

²⁷Idia eto, O siaimai baia lao henia tanona ala, ia na rata bona bada-ranuna e arumu tanona; tano huahuadia haida bini.

²⁸To, una tano taudia na gogoada, edia hanua danu babada heherea bona mai maḡudia; Anak garana danu a itadia unuseni ai.

²⁹Diho kahana ai Amalek taudia e nohomu; ororo gabudia ai Hiti taudia bona Iebusu taudia bona Amoro taudia e nohomu; a kone ai bona Ioridane sinavaina isena ai Kanaan taudia na e nohomu.

³⁰Bena Kaleb ese taunimanima e tuidia; bena ia ese Mose e hereva henia, eto, Aitala, una tano baita abia; badina be ita na mai goadada, baita abia diba.

³¹A ia ida ela taudia eto, Una tano taudia basita tuari henidia diba, badina be idia na gogoada, ita na mamanoka.