NUMERA 13:1-24

¹Iehova ese Mose e hamaoroa, eto,

²Hasinadoa taudia haida ba siaidia, Kanaan tanona, lau ese Israel taudia baina henidia tanona, baela. Iduhu ta ta amo ta ta ba siaidia, a lohia taudia mo bavabidia.

³Bena Mose ese Paran tano-ḡaḡaena amo e siaidia, Iehova ena hahedua heḡereḡerena; iboudiai na Israel lohiadia.

⁴Ladadia bini: Ruben iduhuna amo, Samua Sakuru;

⁵Simeon iduhuna amo, Safata Hori;

⁶Iuda iduhuna amo, Kaleb lefune;

⁷Isakara iduhuna amo, Igala Iosef;

⁸Efraim iduhuna amo, Hosea Nunu;

⁹Beniamina iduhuna amo, Palti Rafu;

¹⁰Sebulun iduhuna amo, Gadiel Sodi;

¹¹Manase Iosef iduhuna amo, Gadi Susi;

¹²Dan iduhuna amo, Amiele Gemali;

¹³Asere iduhuna amo, Seturu Mikael;

¹⁴Napatali iduhuna amo, Nabi Vopsi;

¹⁵Gad iduhuna amo, Gevele Maki.

¹⁶Hasinadoa taudia Mose ese e siaidia, Kanaan baela, ladadia bunu. A Mose ese Hosea Nunu ladana e nemaia Iosua.

¹⁷Taunabinai, Mose ese e siaidia, Kanaan tanona bae ha itaia. E haḡanidia, eto, Diho kahana amo baola ela bona ororo gabudia.

¹⁸Ba itaia, tano be edeheto, bona tano taudia be edeheto, gogoada eiava mamanoka, hutuma eiava gagadoi;

¹⁹ba itaia danu, e noholaiamu tanona edeheto, namo eiava dika, bona edia hanua be edeheto, taruha mo eiava hanua mai maḡudia.

²⁰Ba itaia danu, edia biru gabudia be edeheto, namo eiava dika, bona au be mimia eiava. Ba goada: tano anidia taidia ba loulai. Una negana be vine e huahua matama negana.

²¹Taunabunai idia na ela, e hasinadoa, Sin tano-ḡaḡaena amo ela bona Rehob, Hamat dalana ai.

²²Diho kahana amo ela, Heberon ai e kau; unuseni ai Ahiman bona Sesai bona Talmai, Anak garana, e nohova. Una Heberon e haginia murinai laḡani hitu vada ela bena Soan e haginia Aigupto ai.

²³Bena Eskol kourana ai e kau, unuseni ai vine rigina ta e utua, mai vine huahuana tako ta; tatau rarua ese au ai e huaia. Rimono(, huahuadia haida bona suke huahuadia haida danu e gogo, e hua.

²⁴Una gabu ladana e hatoa Eskol kourana, badina be Israel taudia ese vine takona unuseni ai e utua dainai.