Ntendwa 15:9-18

⁹Haungile chesimane nawo, kawausiza masa yawo kwaviya wazumila.

¹⁰Ivyo haluse, ni mbwani mkunga mumjeze Chohile kwa kuwajelekela wanampina mizigo mwe migongo haikudahika kwinulwa ni wadalahala wetu na suwe wenye?

¹¹Sivyo ivyo! Chizumila naho chihona kwa mbazi za Zumbe Yesu, saviya weli wowo.”

¹²Fyo jima nadinyamala umo wakawetegeleza Banaba na Paolo wakasimwila mpituko na vilagiso adamanye Chohile kujinkila mwawo mwa sawo Wayahudi.

¹³Weze wabinde kulonga, Yakobo awagamba, “Walukolo weyangu netegelazani!

¹⁴Simoni kalavyanya viya Chohile akongile kulagisa kuwaunga sawo Wayahudi kwa kumsagula mntu kulaila mwawo watenda wakwe.

¹⁵Ulosi uno waligana na ulosi wa wawoni na mawandiko yakukile yakugamba,

¹⁶‘Mbuli izo zikajika nanuye, Zumbe alonga, nanizenge uhya hema dya Daudi. Nanizenge naho hema dyangu dichakuke nakuyatenda mahame yatoge naho.

¹⁷Ivyo wantu wose wasigale weze kwangu, na wantu wa sizose ntuhu woseni awo siwetanga watende wangu.

¹⁸Ivyo alonga Zumbe, atendile vino vimanyike chikale chijinkile.’