Nkwɔ Rom 4:4-8

⁴Nkáp anɛ báchyɛ̀ mmu ndǔ bɛtɨk ɛbhɛn yi ákʉ́ chi ɛnyɨŋ ɛnɛ yi ábhɔ́ŋɔ́ bɛbhɔŋ ɛ̌ti bɛtɨk ɛbhɔ. Nkáp wu puyɛ̌ akap.

⁵Kɛ mmu anɛ ábhɨ́kɨ́ fyɛ ntí chi ndǔ bɛtɨk kɛ abhɔ̌ŋ nɛka nɛ Mandɛm mmu ákʉ̀ bɛ́ bǒ bɛbʉ́ mambak chak, chɔŋ ansɔt yi bɛ achi chak ɛ̌ti nɛka ɛnɛn yi ábhɔ́ŋɔ́ nɛ yi.

⁶Nkúbhɛ́ ɛnyu yɔ kɛ̌ Debhít arɛmɛ nyaka bɛ áfɔ́k áchí nɛ mmǔ anɛ Mandɛm ásɔ́rɛ́ bɛ achi chak, yɛ̌ndu abhɨkɨ kʉ yɛ̌nyɨŋ ɛnɛ ɛkʉ bɛ Mandɛm anchyɛ yi áfɔ́k wu.

⁷“Ɛ́rɨ ɛcha ntá bo abhɛn Mandɛm áfóŋórí ɛpɨŋ ɛyap ɛnɛ bápú bhʉɛrɛ bɛbhé, antɛsɛ bɛbʉ́ ɛbhap nkwɔ,

⁸Ɛ́rɨ ɛcha ntá mmu anɛ Acha ápú sɔt bɛ abhɔŋ bɛkwɛ́nɛ́ ɛ̌ti bɛbʉ́ bhi.”