Text copied!
CopyCompare
Fúka Moodaanaki Kira Ufa Afaqínaasa Ufa - Niqiqoosa - Niqiqoosa 2

Niqiqoosa 2:15-19

Help us?
Click on verse(s) to share them!
15Maa-fasiqáusa sía nammárifau námasee fúrufaridau. Ínnee qáfaaqa kanánaana máridanoo súani maqee ururáidanoo. Minára sía amana nammárifau námaqaqee miqídafau ia.
16Maa-amiqira fuka ainaináfa kambíqaina Ánutuna tamummáqara fasiqa Yooeerafa óoqai ákara rúmaqoofa miná ánoona dóo maqee ínni nífusaa kambíqeenoo. Yooeerafa maaqí qímasee óoqai ákara rúmaqoofa.
17Ánutufa qinau, Taikáinna fáasaana maa-ainainná quqáanaura. Qinée qeeqá maraquna faiqí aiqámausa nifaaqaí nammáriara foora téeqimannimaqaanaura. Mi-afeekánannai ínni faiqinámu níraamuqmaaka náaru kambíqaaninna ainainara maqee qímasainanoo náaru kambíqaannoo. Ínni kumaaráauqa faqa qainá ánoona qainá qáfeefaranoo. Faiqí asooqá náuraasa qainá misá nífunni áreefaranoo.
18Mi-fasannái qinée Ánutusa káiqeesa aináinímariasa faiqí faqa ánaaseeuqa faqa nifaaqasáa qiní maraquna adíama nímaqasaanaqa misá tamummáqeefaranoo.
19Qinée mirínni innaarúnai moo áinaina óosana óosana uqannífiqasaanaqa maqásaaqari qáfeefaranoo. Maa-maqánasaa moo náaquqara firaa ainaina áuqusaanaqa qáfamasee qiní afeeka óosana qáfeefaranoo. Fidíka faqa idá faqa idá múna firaaná faqa máriannoo.

Read Niqiqoosa 2Niqiqoosa 2
Compare Niqiqoosa 2:15-19Niqiqoosa 2:15-19