37Yudeeaa máqa maaqai firaaqóo kambíqoo ainainara Yoohaneefa nammári nímimaru aukuana óosanaraseenoo kambíqanoo máridanoo. Kariree máqa maaqaki óosanaraseenoo miqóoqari aiqáma Yudeeaa máqa máaqakina fífaininau. Ínnee maaqóo máriasa minára Yísunara dóo írimariafanoo.
38Ánutufa narí náaquqara maraquna Yísuna Nasareetee máqusaindaraanasaa adíamaqásoofanoo Ánutuna afeeka máreenoo aiqámai óonuree anirée ínoo qimudáoo qínoo Sadannana áuraarai máriusa qumáreenoo aurímarusa faqa káqi márusa faqa aiqámausa idaaqamánnisanau. Ánutufa qumeé miná faqa nídanoo dadaaqufanoo mi-oosanna oosanna ainainná áuqeemarinau. Ínnee minára faqa dóo írimariafanoo.
39Yuda máqannaa máqusa faqa Yeerusaree máqusaki faqa Yísuna áuqoo ainaina qinée faqa akaqáusa faqa qífunnai qáfaafanausa máridaqa. Misá miná mara máree pirímmannai aunírira saqarisaa áriqau.
40Qaaramoo fáasaana áiqaróofanoo Ánutufa kúqiranakinaana miná uqéera fíndifinau. Fíndifinoo maasá qífusaa kooroomámbinau.
Niqiqoosa 10
Niqiqoosa 10:37-40