30Ba kamahire sari na tutidia si ele tava inapaha beto. Doduruna podalae pa Hesiboni kamoa Diboni, Taluarae pa Nasimi kamoa Nopa, tata pa Medeba.”
31Gua asa ke koa ia ri na tinoni Izireli sa kali popoa tadi na tie Amoraiti,
32garuni Mosese sari na tie pude hata ia sa siraṉa sapu leana hola, pude rapatia sa vasileana lavata pa Zazera. Vagi turaṉae nia ri na tinoni Izireli si asa, meke sari na vasivasileana nomadi pa vari likohaena, meke hadu va seu i rini sari na tie Amoraiti pu koa vasina.