Ninaedi rina Tinoni 1:1-13

¹Pa rane kekenuna sa sidara vina rua koasa vuaheni vina rua sipu taluarae pa popoa Izipi meke korapa koa pa soloso qega pa popoa Saenai si arini, si zama la koe Mosese se Zihova pa korapa Ipi Hopena,

²“Agoi meke Eroni si kaqu naei sari na tie nomadi pa korapana sa butubutu Izireli, koari na dia butubutu meke na dia tatamana. Kaqu kubere goreni gamu pozadi sari doduru tie,

³sarini pu ka hiokona puta vuahenidi kamo koari na tie komihadi saripu pada pude somana pa vinaripera.

⁴Mi tepai, sari na baṉara pude keke koari hopeke butubutu si tokani gamu.

⁵Hire sari na pozadi: Koasa butubutu Rubeni, si e Elizua, sa tuna e Sedeu;

⁶koasa butubutu Simione, si e Selumieli, sa tuna e Zurisadai;

⁷koasa butubutu Ziuda, si e Nasoni, sa tuna e Aminadabi;

⁸koasa butubutu Isaka, si e Netanela, sa tuna e Zua;

⁹koasa butubutu Zeboloni, si e Eliabi, sa tuna e Heloni;

¹⁰koasa butubutu Iparemi, si e Elisama, sa tuna e Amihudi; koasa butubutu Manase, si e Qamalieli, sa tuna e Pedazu;

¹¹koasa butubutu Benisimane, si e Abidani, sa tuna e Qitione;

¹²koasa butubutu Dani, si e Ahieza, sa tuna e Amisadai;

¹³koasa butubutu Asa, si e Paqieli, sa tuna e Okarani;