Ni Gi 19:8-12

⁸A bakovi i gutua a bulmakau, ia tara ge loi pasi a maka varakia vona, ge hilolo. Ia tara bara i muto na matagu i harena na haro i rolo.

⁹“Muri a bakovi tara i matapado na matagu, ge vano ge bole a havulana kanono ra ni gutu a bulmakau vona, ge bole tala na mada ge ru na tabeke i matapado na matagu. Ra habulona kanono ni gi ru kamumu, e huriki a Israel ri gi ru na naru, ne vona ni vahilolo ria, ge loi pasi a maki i muto na matagu. Ria ranga ri gi hilolo vona a naro iea, ne vona ni loi pasi a naro hale.

¹⁰Ra bakovi i bole a habulona kanono ge loi pasi a maka varakia vona. Pali ia tara bara i muto, i harena na haro i rolo. Ra vinara iea ge tabuli vakaroro. Mu ramaia. E huriki a mosi ri made turane mua, ria ranga ri gi ramaia.

¹¹“A bakovi tara i padoi a bakovi i mate, ra bakovi iea bara i muto na parava i polorua.

¹²Pali ia ge vahilolo ia na naru na toluna parava, lakea na poloruana parava bara i matapado. Pali ia i uka ma ge vahilolo pasi ia na toluna parava, a poloruana parava, i uka ma ge matapado.