Ngën-gi-woy 7:2-7

²Janqoo, lingeer sama, sa tànk yee ka jekk ci sa dàll yi, sa mooco yi mërgalu niy jaaro yu ndaanaanu tëgg yette loxoom.

³Sa jumbux bi di kaas bu mërgalu, yàlla bumu ñàkk biiñu njafaan! Sa biir bi di jalu pepp mu ay tóor-tóor ñag.

⁴Sa ween yi ni ñaari tef, mbaa seexi kéwél.

⁵Sa loos wi, coleet, rattax, ni tatay bëñi ñay; say gët di lerxat ni déegi Esbon, ya feggook buntu Bat Rabim. Sa bakkan bi jub xocc ni tatay Libaŋ ja tiim Damaas.

⁶Sa bopp siggi ni tundu Karmel, njañ liy nes-nesi ni sooyu buur, létt yay fëy-fëyi, ba laaw buur.

⁷Rafet, sopploo! Soppee, bànneex nga!