1Numa kota Antiokia, hatahori noꞌuk ka ramahere neu Yesus ena. Hambu hatahori hida fo Manetualain pake sara dadi neu Ndia mana toꞌu dedeꞌan, ma hambu hida bali fo Ana pake sara fo ranori hatahorir. Sira raa, ndia: Barnabas, Simeon, fo hatahorir rasiꞌe roken rae ‘Tou Nggeok’, Lukius, numa kota Kerene mai, Menahem, fo ara rakaboin numa kadiꞌi anan mai sama-sama no manek Herodes, ma Saulus.
2Faik esa, ara puasa ma rakabua fo rakaluku-rakatele neu Manetualain. Boe ma Manetualain Dula-dale Malalaon nafada sara nae, “Here mala Barnabas no Saulus. Te Au ue-osang noꞌuk ka. De ara muste tao ue-osa fo Au ae baꞌe fee sara.”
3Neu ara puasa ma hule-haradoi basa, boe ma ara ndae liman nara reu Barnabas no Saulus fo tabis asa. Basa boe ma ara radenu dua sara reu rakalalaꞌok Lamatuak ue-osan.
4Neu Manetualain Dula-dale Malalaon fee parenda neu Barnabas no Saulus fo dua sara laꞌo ndule basa mamanak kara, makasososan ara reni kota esa nai tasi tatain reu, nade Seleukia. Yohanis (hatahori naa ndia ara roken oo rae, Markus boe), ana oo tungga sama-sama no sara boe. Ara losa naa, ara saꞌe ofak fo reni pulu Siprus reu, de ara konda numa kota esa, nade Salamis. Numa naa, ara rasiꞌe maso reni hatahori Yahudir uma huhule-haradoin reu fo ara fee nenorik laꞌe-neu Manetualain Dedeꞌa-kokolan neu hatahorir.
Nedenuk kara Tutuin 13
Nedenuk kara Tutuin 13:1-4